Desa Sadewata aya di daerah Ciamis. Upami lungsur di Panawangan Kota arah ti Cirebon jalanna nu nanjak di palih katuhu. Ti dinya kirang langkung 10 kilo perjalanan. Upami lungsur di Pamoyanan arah ti Bandung jalanna di palih kenca. Ti dinya kirang langkung 40 kilo perjalanan. Upami lungsur di Kawali arah ti Ciamis ngalangkungan Babantar jarakna kirang langkung 15 kilo perjalanan.
Kagiatan sadidinten warga Sadewata diantawisna : tani, dagang, padamel negeri, padamel bumn, wirausaha, pelajar, ibu rumahtangga sareng seueur-seueur deui.
Hawana tiis nyecep matak seger kana awak. Lingkungannana masih kajaga kalayan lumayan rada sae oge. Aya situ alit nu pernahna di Blok Cipelah-Tarikolot, asal caina ti Gunung Gelembung Blok Gunung Sari. Caina herang pisang katingalina teh semu biru margi jerona situ kirang langkung 20 meteran. Posisi ayeuna mah eta situ teh tos kasered ku pasawahan nu ngahaja didamel ku para padumuk nu linggih di Sadewata. Hanjakal pisan pamarentahna boh ti desa atanapi kabupaten teu ngahajakeun ngawagel para wargana supados teu teras-terasan ngahajakeun nyawah di lingkungan situ. Lami-lami sigana eta situ teh baris ngahiang alias ngaleungit sami sapertos namina Situ Hyang. Tapi upami kahoyong mah, ngarah aya tingali-tingalieun saena eta sawah nu ayeuna aya oge langkung sae dijantenkeun situ deui wae. Pan upami Situ Hyang lestari mah pangaruhna sae pisan kanggo kamaslahatan warga Ciamis khususna margi eta Situ Hyang kalebet kana Daerah Aliran Sungai anu ngadukung ayana Walungan Citanduy.
Aya eta oge pangjeujeuh ti pamarentah, dipangdamelkeun pondasi nu didamel tina batu. Lumayan tiasa ngahalangan kana lajuna situ jadi sawah. Tapi kurang tegas wae ceuk sim kuring mah.
Aya eta oge pangjeujeuh ti pamarentah, dipangdamelkeun pondasi nu didamel tina batu. Lumayan tiasa ngahalangan kana lajuna situ jadi sawah. Tapi kurang tegas wae ceuk sim kuring mah.
Tidak ada komentar:
Posting Komentar