Kamari ngadon curak-curak dahar di salahsahiji restoran Sunda. Lain pedah loba duit, ngan hayang nyaho wae masakan khasna kawas kumaha. Ti luarna mah alus wawangunanna teh make julang ngapak. Asup ka rohangan utama mah can katempo angseuna Sunda teh, prah wae kawas restoran sejenna. Ngan rada lumayan sanggeus asup ka jerona pisan aya model model saung. Atuh kadaharannana aya liwet sagala. Nu kabeneran teh lalabannana aya oge daun putat. Tah ieu sigana teh nu nandakeun restoran sundana.
Daun putat mah, ceuk kuring, khas pisan lalab sunda baheula. Sapanjang kainget kuring ngan di Sunda daun putat dijadikeun lalab, paranti coel sambel.
Kawas kumaha atuh daun putat?
Can bisa nyadiakeun fotona mah, can kaboro motret. Hiji mangsa arek dipidangkeun, mun geus aya. Can aya mah nya wayahna wae sing sabar. Omat lain jangji ieu mah, sakadar niat mudah2an laksana.
Pedo dah daun putat mah, angot komo mun dicoelkeun kana sambel tarasi lada. Waaaaaaah ...... nikemeh wae sugan mah. Disandingkeun jeung goreng burayak garing ; lauk jondol, anak lauk jaer, atawa anak lauk emas. Lain mas baby tapi anak lauk emas ukuranna kira kira 10 sentian. Digorengna garing jadi bisa didahar nepi ka tulang-tulangna. Sanguna make sangu liwet panas keneh pisan. Masya Allah ....... alhamdulillahirabbil'alamin.
Ari tangkal putat hirupna teh di daerah nu deukeut ka cai. Keur leutik oge tangkalna teh tos jalugjug luhur, jadi mun hayang loba daun ngorana osok dipunggel tangkalna teh nya sakira gampang ngala daun ngorana, kadongkang ku leungeun.
Mun tos dipunggel biasana tara lila sok breng daun ngorana teh rampak rupana semu beureum ati matak resep nu ningali. Kira-kira aya opat atawa lima lambar nu tumuwuh tah keur sesedengna bisa diala, tinggal panen. ah ke deui ah
Can bisa nyadiakeun fotona mah, can kaboro motret. Hiji mangsa arek dipidangkeun, mun geus aya. Can aya mah nya wayahna wae sing sabar. Omat lain jangji ieu mah, sakadar niat mudah2an laksana.
Pedo dah daun putat mah, angot komo mun dicoelkeun kana sambel tarasi lada. Waaaaaaah ...... nikemeh wae sugan mah. Disandingkeun jeung goreng burayak garing ; lauk jondol, anak lauk jaer, atawa anak lauk emas. Lain mas baby tapi anak lauk emas ukuranna kira kira 10 sentian. Digorengna garing jadi bisa didahar nepi ka tulang-tulangna. Sanguna make sangu liwet panas keneh pisan. Masya Allah ....... alhamdulillahirabbil'alamin.
Ari tangkal putat hirupna teh di daerah nu deukeut ka cai. Keur leutik oge tangkalna teh tos jalugjug luhur, jadi mun hayang loba daun ngorana osok dipunggel tangkalna teh nya sakira gampang ngala daun ngorana, kadongkang ku leungeun.
Mun tos dipunggel biasana tara lila sok breng daun ngorana teh rampak rupana semu beureum ati matak resep nu ningali. Kira-kira aya opat atawa lima lambar nu tumuwuh tah keur sesedengna bisa diala, tinggal panen. ah ke deui ah
Tidak ada komentar:
Posting Komentar