Masya Allah, kacida ngangresna ningali wartos tina TV yen di daerah Cihaurbeuti aya musibah banjir nu ngaakibatkeun karuksakan malahan diantarana aya nu maot sagala. Ngiring bela sungkawa, mugia pada dipaparin kasabaran sareng tawekal. Hayu dipayunan kalayan pinuh kataqwaan. Sagala rupi musibah tangtos aya hikmahna.
Cihaurbeuti, pernahna di handapeun Gunung Syawal, rea sawah di dinya teh, lalega. Sering sim kuring ge ngaliwat ka wilayah eta teh, dijajap ku pun Bapa mangsa balik ka Bandung/Jakarta lungsur di Singaparna nerus naek Beus. Malahan mah pun Bapa ; Usman Wiradinata Haji Alm bin Abdul Gofur Sastrawijaya Haji Alm kantos oge damel di daerah Cihaurbeuti basa masih keneh aktif di Dinas Pendidikan jadi Penilik Kebudayaan asana teh, teras didamelna ngalih ka Panumbangan.
Seueur oge urang lembur nu ngumbara ka Cihaurbeuti, nyiar gawe malahan diantarana aya oge nu bumetah nikah boh ditikah ku urang Cihaurbeuti.
Tidak ada komentar:
Posting Komentar