Palembang, semacam deja vu** kalo pergi ke Palembang. Nama tempat ini sudah terpatri dari sejak masa kecil. Semua orang Sunda pasti akan mengingat nama ini ; Palembang. Aya kalimah samodel parancah pamunah panyieuh nu geus kasohor di satungkebing Pasundan : jung ka sabrang ka palembang ari balik mawa kurupuk. Ceuk sakaol malah geus ti baheulana kecap Palembang dipake pikeun nyingsieunan barudak leutik supaya teu liar peuting.
Aya eta oge caritana mah, kulawarga boga hubungan jeung urang Palembang. Adina pun Aki ti pihak pun Bapa kira-kira taun 60-an aya nu nikah jeung urang Palembang, di daerah Ampera linggihna teh.
Jadi mun nyaritakeun Palembang teh asa teu aneh wae, saolah-olah kawas jalan ka lembur sorangan.
Waktu sakola oge loba babaturan urang Palembang teh. Lumayan jadi dikenalkeun jeung kadaharan khas Palembang diantarana : pempek. Malah mah pas waktu ngekos di Tangerang pernah ngahaja dipangnyieunkeun pempek make lauk tenggiri, ku urang Palembang asli. Mabok wae sugan mah kalobaan teuing ngadaharna, makmak mekmek, kawas lebaran manggih mulud, haratis tea bari jeung ni'mat. Digoreng panas-panas keneh dibaturan ku cai jeruk panas. Masya Allah ...... alhamdulillah, aya ku sedep. Teu nahan kuahna, rasana teh kumahaaaaaaa kituh ........
Tah ieu fotona teh :
Bisa aya fotona teh mangsa ayeuna da geus nyampak kamera jeung hp. Baheula mah boro-boro.
Kuah aslina mah kentel pisan kawas kecap, nu di gambar mah tos ditambahan cai, dihaneutkeun.
Tah mun di handap ieu gambar bandarana, Bandara Sultan Mahmud Badaruddin :
Alus lah bandarana mah, pikabetaheun. Fasilitasna alanyar keneh. Di Bandara harga oleh-olehna wajar, teu mahal teuing, prah wae kawas di tempat sejenna. Jadi mun kabeneran kaserempek perlu meuli oleh-oleh teh, mendingan meuli di Bandara wae.
Basa nganjang ka Palembang kabeneran keur rea proyek bangunan, rada macet saeutik. Tapi macetna teu kawas di Jakarta.
** Fenomena deja vu asal katanya dari bahasa perancis yang berarti telah melihat. Pada fenomena ini, kita merasa seolah-olah pernah melakukan sesuatu hal yang sama di masa yang lalu tapi kapan persisnya tidak jelas. Katanya sich 60% s.d 70% manusia di jagat raya ini pernah mengalami fenomena ini. Pertama kali dipopulerkan oleh ilmuwan Perancis Emile Boirac tahun 1876.
Tidak ada komentar:
Posting Komentar