Rabu, 08 Juni 2011

Bandung - Kota Kembang

Bandung kota kembang kota panineungan. Sok sanajan teu lila cicing di Bandung tapi Bandung geus ninggalkeun katineung nu moal bisa dipopohokeun. Mangsana diajar ngadewasakeun diri di Bandung nyatana. Diajar mandiri diajar motekar sok sanajan keukeuh teu bisa mandiri saratus persen. Minimal aya proses.
Matuh teh di daerah Gegerkalong Tengah, pernahna tengah kota he he he ...... beneran baheula mah tengah kota kan sawah, hawana tiis tingtrim. Pernah sakali-sakali aya kajadian getreng antara pamuda KPAD jeung pamuda Gerlong Tengah. Tapi eta mah masalah wajar, teu lila ge langsung beres. Korbanna aya oge, sakainget ngan ukur barareuh raca tilas silih koet, adu tinju, jeung silih tajong. Lega oge daerahna teh mun ngahaja nguriling di Gerlong teh teu cukup sajam leumpang. Tah ......mun pareng ulin ka beulah luhur, ngahajakeun, ka wilayah Cilimus, Sersan Bajuri, sok nangenan nu ngadu domba garut jeung maen gundu. Rame pisan rea nu nongton, matak poho kana kawajiban.
Genah tempatna Gerlong teh keur diajar mah cocok pisan. Deukeut kamana kamendi. Cai sumurna bersih jeung tiis. Ka pasar tradisional deukeut oge. Warung nasi murah meriah loba pisan. Keur sakuringeun mah lantaran resep masak sorangan, paling meuli bahan atahan terus dipasak di dapur kost-an. Baheula mah jarang masak mie-mie teh da kurang resep tea jeung asana teh teu ngahargaan ka diri sorangan lantaran mun balik neang bekel sok dibahanan beas sapuratina. Kabawakeun ongkoh ku babaturan nu sok masak sorangan. Kabeneran babaturan kost teh rereana para wanoja, beda jurusan kuliahna mah. Aya oge babaturan nu kuliah di enhaii, tapi beda model pasakannana, araraneh. Ma'lum kuring mah ti lembur singkur kana masakan internasional teh kurang kalandep.
Malah mah sok ngahajakeun poe saptu atawa minggu sok ngahaja masak babarengan. Biasa urunan bahan-bahanna mah, paling mantuan keur meuli minyak tanahna atawa mantuan motongan sayuran. Hi hi hi ........ mun inget sok seuri maur, ari masak babarengan pas daharna mah numpi wae di masing-masing kamer da teu aya ruangan khusus nu lega.
Mun pasosore sok ngalangeu di sisi kamer, kuring meunang kamer kost sisi jalan di lt 2, jadi aya tempat saperti balkon. Resep ningali jalma lalar liwat. Mejeng, mun mangsa ayeuna mah meureun istilahna teh. Bada isya, muhun mangsana peuting sok bisa nyawang langit Bandung pareng langit lenglang. Endaaaaaaaaah .........
Terus pindah ka wewengkon IKIP Bandung perenahna di Guruminda, ngahaja ngadeukeutan masjid Al Furqon. Didieu mah tempatna teh leuwih tumaninah pisan. Lantaran nu kostna ngan saurang-urangna jaba kamerna dua terus aya tempat masak sorangan aya pakarangan oge nu lumayan lega. Tah didieu mah jadi bisa pepelakan. Melak cabe, cikur, bawang daun. Lumayan bae nyalurkeun karesep bari sakalian olahraga. .
Aya nu masih kainget teh, pan di handapeun tempat kost teh aya saluran cai, gede oge aliran caina teh. Harita mangsa awal penerimaan mahasiswa baru hujan ngaririncik pasosorena teh peutingna hujan gede. Isuk-isuk basa balik jalan-jalan meuli bubur manggih dompet dina solokan masih anyar keneh dompetna teh, jigana kabawa palid. Ngan teu aya eusian alias kosong. Ah teu dianggap aneh dialungkeun deui wae ka solokan, da keur naon kuring mah boga dompet ge euweuh keur ngeusiannana. Barang keur ngalungkeun dompet katingali aya deui dompet nu sejen 2 siki. Panasaran diilikan deui sarua ieu ge teu aya katerangan nanaon ngan aya wae sesa potongan kartu pelajar sauted. Waaaaah ....... karunya teuing para calon mahasiswa. Sigana teh aya copet panen hasil nyopet, dompetna dipiceun ka solokan. Ningali nu ngantri daftar sakitu lobana seselendep dina riungan ngamangpaatkeun "kesempatan dalam kesempitan" usaha nyopet.
Pasesedek tuda para calon mahasiswa teh arembungeun ngantri, sieun kapiheulaan. Pangalaman kuring antri di PKM carana panto gerbang ditutup ku Bapake Satpam ti beulah jero, ari di jero gedong mah memang aya loba korsi antrian, ngan kulantaran loba pisan peserta jadi kaburu pinuh. Sabada antrian nu di jero tinggal satengahna panto utama dibuka, bereset jalma teh asup kadang silih tindihan. Aaaaaaah ....... aya resepna oge meureun pateteep pasesedek kitu teh. Tah mangsana pasesedek kitu sang copet beraksi. Duka tah ayeuna modelna masih kitu atanapi tos benten, tapi sigana masih model kitu pan perlu face to face ningalina berkas jeung bukti jalmina.
Mugia Allah SWT ngahampura kana dosa abdi nu ngan bisa sakikituna ; turut berdukacita.
Bareto mah mun pp Ledeng - Cicaheum teh perjalanan ngan sakedap pisan, teu kawas ayeuna kukurilingan kamana mendi tambah jauh, beuki lila pisan. Indit jalan kadinya balikna jalan kadinya deui, jadi cepet perjalanan teh.  Heueuh baheula eta mah, ayeuna mah lain deui beda Pa Rudi beda dulu beda sekarang. Ongkoh deuih mobil jeung motorna teu pati loba kawas ayeuna. Sering kuring bulak balik Ledeng - Cicaheum, ngadon ngenekan he he he ........ teu ketang, ulin ka babaturan salembur nu loba dagang di Cicaheum. Kadangkala ulin teh sok nepi ka Kebon Kalapa ngadon ngahaja dahar di Ampera. Teu pira daharna mah ngan saukur lalab jeung sambel tarasi wungkul, tara pake sangu tara pake lauk hi hi hi hi ...... ngawadul gede, ma'lum teu boga duit.
Mun kawenehan aya sesa duit sok ngahajakeun ulin ka arah Lembang. Kitu wae kuluna kulunu sosoranganan ngadon jalan-jalan sakaparan-paran. Baheula mah teu perlu loba duit, nu penting mah pede digedean duit mah nuturkeun. Beneran, modelna kawas basa kudu nyieun ngurus proposal ka Tasik keur ngayakeun kagiatan ti himpunan. Ah modal omong wungkul buktina bisa balik deui ka Bandung rarebo ku babawaan jeung cape he he he.....
Ke ah dipedar deui, sore teuing mangsana balik.





Tidak ada komentar:

Posting Komentar

Bunga Rampai

Menggapai kata-kata dalam pencapaian makna perjalanan kehidupan nan fana. Semoga manfaat untuk dunia akhirat.



Blog Rudi Santosa


Terima kasih sudah mau mampir. Seandainya mau copy paste, dipersilakan, asal jangan dibumbui dengan ditambahi atau dikurangi, apa adanya saja. Tolong dituliskan alamat blog ini. Apalagi kalo mau ambil fotonya mohon dapat disebutkan dengan lengkap dan benar sumber foto tersebut. Kalo sudah diedit agar disebutkan dengan jelas bahwa tulisannya sudah diedit. Dengan demikian tanggungjawabnya beralih kepada pengedit tulisan saya. Hak cipta hanya milik Allah Subhanahu wa ta'ala.















Supporters