Jalan Raya

Jalan .......
Dijieun keur kamaslahatan
Sapanjang napak kudu aya jalan
Minimal jalan satapak, ngan ukur satapak suku
Jalan raya, jalan keur sarerea
Model-model ukuranna
Kumaha kaperluan
Kumaha kaayaan
Aya nu matak maslahat
Rea ge matak madharat
Kumaha kalakuan
Jalan
Milik pribadi, aya
Rereana milik sarerea
Nu ngarawatan pribadi, aya
Rereana dirawat nagara
Jalan
Ngabeungharkeun kahirupan
Ngajadikeun kamamuran
Jalan
Rea bahan korupsi
Rea bahan manipulasi
Nyieun jalan anyar
Ngan ukur dilapis aspal
Batu
Koral
Keusik
Kamana?
Kaitung?
Ngahaja diitung?
Jalan
Rea nu make
Sakama kama
Sakarep karep
Kawas jalan pribadi
Nu make mobil teu ngagehan
Nu make mobil
Nu leumpang
Nu make motor
Nu make sepedah
Nu ngadodorong roda
Nu ngaliwat
Nu keur nangtung sisi jalan
Nu keur cicing sisi jalan
Nu keur ngetem sisi jalan
Nu keur ngobrol sisi jalan
Serepat serepet sakainget
Saruana sabalikna
Na rek iraha pada sadarna?
Nu make motor teu paduli
Nu keur ngaliwat
Nu keur turun tina angkot
Nu keur turun tina beus
Nu keur balanja di emperan toko jauh ti sisi jalan jauh ti tengah jalan
Nu keur ngeusian bengsin di pom bengsin jalanan
Nu keur nelepon sisi jambatan
Nu keur nangtung sisi jalan
Angot komo nu ngahaja ngahalangan mah
Ditabrak saenya enyana nabrak
Kasebelan
Kawas jalan nu sorangan
Kawas jalan warisan ti karuhun
Kawas jalan meunang manggih
Kawas jalan jadi ku maneh
Nu leumpang saruana teu paduli
Jalan keur rame
Jalan keur tiiseun
Jalan keur loba nu make
Boro boro nempo kenca katuhu
Boro boro maca bismillah
Boro boro inget ka batur
Pikiran ngacacang kamana mendi
Pikiran kabur ka luar awak
Angot komo mun keur masang hape
Angot komo mun keur nutup ceuli
Torolong torolong kawas kadal mabal
Giliran katabrak galak sagalak galakna
Galak alahbatan macan
Lolongseran kawas budak leutik leungiteun peremen
Ah ........ kateuteuari ditalingakeun
Matak seueul beuteung