Korejat tanghi, duka tah naon basa Indonesiana mah teu apal komo deui basa ilmiahna. Rada wararegah neangan referensina. Bae lah, mangga wae pilarian ku nyalira. Babari pisan tumuwuhna korejat tanghi teh jeung subur pisan hirupna dina lingkungan nu deukeut jeung cai. Loba dipanggihan di kebon atawa sisi sawah. Bisa oge dipelak dina pot, ngan jarang nu ngabudidayakeun. Mun keur parab domba atawa embe biasana sok dipoe heula ngarah rada garing lantaran matak mabok mun kahakan teh. Cenah aya racunan. Tapi ari keur parab lauk mah tinggal alungkeun wae ka tengah balong, moal nepi ka saparapat jam oge geus beak ledis ka tangkal-tangkalna. Saratna, laukna kudu loba jeung jenis laukna nilem, tawes, gurame.
Aya mangpaat tina tangkal korejat tanghi nu pangdiapalna ku kuring ; obat tetes mata. Rek mata sehat atawa mata keur teu sehat oge bisa diubaran ku ieu tutuwuhan. Pokona beda pisan saentos dipeureuhan ku korejat tanghi mah, langsung cekas. Ngan peurihna luar biasa, boh keur mata sehat atawa mata teu sehat sarua rasana teu dibeda-bedakeun, matak hese beunta mimitina mah.
Cara ngagunakeunnana gampang pisan, tinggal ngala kembangna nu warna bodas terus anclomkeun kana cai herang bersih tiis tos digulakkeun sagelas waeh. Pek cai pangeueuman kembang teh dipeureuhkeun kana panon. Mangga diraraoskeun .............. ngajeletit mimitina mah, kadituna peurihpisan hi hi hi .......... panon teh langsung jeer beureum. Moal lami peurihna mah, paling 3 menitan, tapi karasana kawas saumur hirup ho oho uhu uhu.....
Henteu ketang henteu salah salah teuing ...... Mangga dicobian
Insya Allah ces pleng lah .........
Cenah mah bisa oge make daunna da nu diarah teh ngan geutahna wungkul. Rasana sarua ceuk nu geus ngarasakeun mah. Lantaran nu dicampurkeun jeung cai teh geutah korejat tanghi. Ngan leuwih afdol make kembangna lantaran teu aya risiko kacampuran geutah tina tangkalna nu cenah mah ngandung racun. Duka tah racun naon.
Mangsa di lembur mah kuring ampir tiap minggu meureuhan mata make korejat tanghi, biasana balik ti sakola nyiapkeun bahanna teh. Terus ngahaja ngala caina teh tina hulu cai Cileungsing nu herang canembrang.
Tidak ada komentar:
Posting Komentar