Ayeuna keur usum dukuh. Sapanjang jalan loba jongko dadakan nu ngajualan buah dukuh. Bararis ngahaja dirapih-rapih supaya loba nu meuli. Basa ngamimitian usum mah dukuh rasana teh masih sepet keneh rada-rada semu pait hampir peuheur. Meureun lantaran nu dipanenna masih keneh nu ngarora pisan. Beuki kadieu beuki amis jeung beuki loba pilihan. Cenah mah aya dukuh nu asalna ti Jawa jeung aya nu asalna ti Lampung. Ari nu asal ti Jawa mah teu pati amis loba nu haseumna jeung loba sikian. Nu amis kareueut jeung teu pati loba sikian asalna ti Lampung perbatasan jeung Palembang nu katelahna teh dukuh Komering asli Palembang. Duka teuing da teu pati ngarti ari masalah bener henteuna mah. Ieu mah beja dibejakeun deui ti tukang dagangna. Kuring sok ngahaja ngajak ngobrol mun pareng meuli dukuh.
Sabenerna dukuh teh loba oge nu tumuwuh di Jawa. Di lembur kuring oge baheula loba tangkal dukuh teh jeung rea jenisna : dukuh asli, pisitan monyet. Tangkalna rata-rata geus satangkeupan kolot. Matak hese beleke ngalana oge kudu make sigay ngarah aman. Tapi tangkalna teh boga batur lain pangaboga sorangan. Harita mah teu kaparengan hayang ngipuk melak tangkal dukuh teh lantaran ningali cara panenna nu sakitu hesena jeung teu resep wae ningali geutahna loba teuing.
Kaayeunakeun jadi nyaho bedana antara dukuh palembang jeung dukuh jawa. Dukuh palembang mah kulitna ipis jeung geutahna saeutik sedengkeun dukuh jawa mah kulitna kandel kedeplik geutahna ngolocor kawas geutah karet. Ieu ge sarua beja dibejakeun deui, ceuk tukang dagangna, duka masalah bener henteuna mah lantaran teu ngahajakeun nyusud bebenerannana. Ngan mun manggihan dukuh nu kulitna kandel kedeplik jeung loba geutahan sok teu jadi meuli. Ari kuring mah salaku konsumen masih loba pilihan, loba keneh jongko nu jualan, tinggal milih deui wae. Atawa mun teu purun kukurilingan sok ngahaja pesen ka nu dagang buah langganan, tinggal nyokot sakalian bayar.
Ongkoh deuih aya pangalaman nu matak pikapokeun meuli dukuh ti sambarang jongko teh. Pikasebeleun ongkoh. Mangga wae diarilikan di tempat nu loba pisan jualan dukuh aya tulisan Rp. 3.500, Rp. 4.000,- pas ditanyakeun harga sakitu teh keur satengah kilo dukuh jeung lain kualitas nu alusna. Dukuh nu dijual harga sakitu geus belewuk semu hideung. Nu aralus keneh mah keukeuh wae hargana mahal 10.000,- atawa 12.000,- Leuheung mun jujur. Pernah meuli 3 kilo terus nyobaan ditimbang di imah ayana teh ngan saukur 2 kilo 2 ons. 8 ons dibobodo ku tukang dukuh. Arek protes balik deui geus jauh teuing. Ah ..... pasrah wae mudah2an jadi amal yang baik.
Aya deui nu jual dukuh hargana murah dukuhna masih saleger, alus lah kasebutna matak pinikmateun mun meuli teh. Naaaaaaaaaaa atuh basa dibuka di imah dukuhna teh geus harideung jaba baronyok caian. Duka salah saha kuring nu teu taliti atawa memang ngahaja ditukeuran kantong keresekna. Ah ........ sarua ieu ge teu bisa nyalahkeun sasaha. Ambek nyedek tanaga midek kapaksa wae dipilihan bari keuheul.
Ari nu aman mah meuli dukuh teh ti supermarket gede. Timbangannana leuwih bener hargana sarua keneh. Ngan rada jarang oge supermarket ngayakeun dukuh sigana lantaran kurang kuat lila, umur hadena dukuh mah sakedap pisan alias kurang awet.
Ceuk batur dukuh teh matak mencret, tapi alhamdulillah nu kaalaman ku sorangan mah can pernah matak mencret, malahan sok genah pas mangsana bubuang. Duka pedah beda cara ngadaharna duka memang teu alergian. Ari kuring mah ngadahar dukuh teh sok ngahajakeun sakalian jeung sikina, teu kabeh ukur sabaraha siki wae. Teu dicapek heula ngadahar siki dukuh mah lantaran paitna kacida. Hampir samodel jeung paitna buah mahoni.
Nurutkeun sim kuring nyalira buah dukuh nu pangngeunahna nu tos semu-semu hideung cangkangna. Alesannana kahiji geutahna tos hampir leungit kaduana harga murah dibandingkeun jeung harga dukuh nu kasebut masih seger. Tah contona kawas di handap ieu :
Buah dukuhna kawas kieu yeuh :
Dukuh nu seger cangkangna masih keneh semu-semu warna gading kolot, geutahna masih aya tapi teu loba teuing ngan mun daging buahna katepaan geutah sok semu kesed. Tah gambarna kawas dihandap ieu :
Kaayeunakeun jadi nyaho bedana antara dukuh palembang jeung dukuh jawa. Dukuh palembang mah kulitna ipis jeung geutahna saeutik sedengkeun dukuh jawa mah kulitna kandel kedeplik geutahna ngolocor kawas geutah karet. Ieu ge sarua beja dibejakeun deui, ceuk tukang dagangna, duka masalah bener henteuna mah lantaran teu ngahajakeun nyusud bebenerannana. Ngan mun manggihan dukuh nu kulitna kandel kedeplik jeung loba geutahan sok teu jadi meuli. Ari kuring mah salaku konsumen masih loba pilihan, loba keneh jongko nu jualan, tinggal milih deui wae. Atawa mun teu purun kukurilingan sok ngahaja pesen ka nu dagang buah langganan, tinggal nyokot sakalian bayar.
Ongkoh deuih aya pangalaman nu matak pikapokeun meuli dukuh ti sambarang jongko teh. Pikasebeleun ongkoh. Mangga wae diarilikan di tempat nu loba pisan jualan dukuh aya tulisan Rp. 3.500, Rp. 4.000,- pas ditanyakeun harga sakitu teh keur satengah kilo dukuh jeung lain kualitas nu alusna. Dukuh nu dijual harga sakitu geus belewuk semu hideung. Nu aralus keneh mah keukeuh wae hargana mahal 10.000,- atawa 12.000,- Leuheung mun jujur. Pernah meuli 3 kilo terus nyobaan ditimbang di imah ayana teh ngan saukur 2 kilo 2 ons. 8 ons dibobodo ku tukang dukuh. Arek protes balik deui geus jauh teuing. Ah ..... pasrah wae mudah2an jadi amal yang baik.
Aya deui nu jual dukuh hargana murah dukuhna masih saleger, alus lah kasebutna matak pinikmateun mun meuli teh. Naaaaaaaaaaa atuh basa dibuka di imah dukuhna teh geus harideung jaba baronyok caian. Duka salah saha kuring nu teu taliti atawa memang ngahaja ditukeuran kantong keresekna. Ah ........ sarua ieu ge teu bisa nyalahkeun sasaha. Ambek nyedek tanaga midek kapaksa wae dipilihan bari keuheul.
Ari nu aman mah meuli dukuh teh ti supermarket gede. Timbangannana leuwih bener hargana sarua keneh. Ngan rada jarang oge supermarket ngayakeun dukuh sigana lantaran kurang kuat lila, umur hadena dukuh mah sakedap pisan alias kurang awet.
Ceuk batur dukuh teh matak mencret, tapi alhamdulillah nu kaalaman ku sorangan mah can pernah matak mencret, malahan sok genah pas mangsana bubuang. Duka pedah beda cara ngadaharna duka memang teu alergian. Ari kuring mah ngadahar dukuh teh sok ngahajakeun sakalian jeung sikina, teu kabeh ukur sabaraha siki wae. Teu dicapek heula ngadahar siki dukuh mah lantaran paitna kacida. Hampir samodel jeung paitna buah mahoni.
Nurutkeun sim kuring nyalira buah dukuh nu pangngeunahna nu tos semu-semu hideung cangkangna. Alesannana kahiji geutahna tos hampir leungit kaduana harga murah dibandingkeun jeung harga dukuh nu kasebut masih seger. Tah contona kawas di handap ieu :
Dukuh nu seger cangkangna masih keneh semu-semu warna gading kolot, geutahna masih aya tapi teu loba teuing ngan mun daging buahna katepaan geutah sok semu kesed. Tah gambarna kawas dihandap ieu :
Kuring mah leuwih resep kana dukuh nu ukurannana leutik kira-kira sagede buleudan duit 50 perak. Sababna mah dukuh laleutik rada langka siki. Jadi mun dibuka teh bisa langsung blem didahar. Salian ti eta hargana kadangkala sok rada murah.
Tidak ada komentar:
Posting Komentar