Kasebutna kota gede, kota metropolitan, Jakarta mah super sibuk dina masalah patalimarga para wargana nu sabagian gede caricing di kota-kota satelit saperti Tangerang, Bogor, Bekasi, Depok.
Tiap poe mangsa gawe jalan nu sakitu rarubakna teu weleh pinuh ku mobil jeung motor nu balawiri ka tujuan masing-masing. Aya mangsa puncak macet samacet-macetna mangkat ka kantor jeung mangsa mulang ti kantor. Nu disebut macet teh bener-bener macet kawas macetna mudik lebaran. Teu bisa ngalengkah najan ngan saukur sameter.
Ningalikeun kalakuan jalma boh nu mawa motor ojeg, motor pribadi, mobil pribadi, mobil umum beus atawa angkot biasa, bajay kadang-kadang sok matak gogodeg. Nyaeta ku teu bisa sabar jeung arembungeun ngantri, eleh ku meri. Geura pek tingalikeun mangsa lampu lalulintas geus warna beureum oge masih keneh hayoh maksakeun diri ngaliwat nu padahal mah matak ngabahayakeun diri sorangan. Teu sadar kitu kana kaayaan diri atawa sakurilingna? Teu inget kitu yen di imah aya nu nungguan boh anak boh pamajikan? Teu sadar kitu yen kalakuan saperti kitu teh lain wae ngarugikeun diri sorangan, diri batur banda batur deungeun deungeun jadi kaganggu.
Sababaraha kali nangenan jalma nu modelna garasak gurusuk teu kaop ningali jalan lowong sameter waeh atawa sisi jalan masih aya tanah lowong langsung bae diliwatan dilindes sakarepna. Loba pisan cor-coran keur nutupan riol pamiceunan cai nu ancur lebur dilindes motor atawa mobil. Padahal jalan mobil motor geus disadiakeun leuwih lega. Atawa trotoar nu geus dipasangan paving blok ngadak-ngadak jadi tempat panyaeuran keusik lantaran paving blokna saeutik-saeutik kasered ku ban mobis atawa ban motor. Pikahawatoseun nun ..........
Ningalikeun kalakuan jalma boh nu mawa motor ojeg, motor pribadi, mobil pribadi, mobil umum beus atawa angkot biasa, bajay kadang-kadang sok matak gogodeg. Nyaeta ku teu bisa sabar jeung arembungeun ngantri, eleh ku meri. Geura pek tingalikeun mangsa lampu lalulintas geus warna beureum oge masih keneh hayoh maksakeun diri ngaliwat nu padahal mah matak ngabahayakeun diri sorangan. Teu sadar kitu kana kaayaan diri atawa sakurilingna? Teu inget kitu yen di imah aya nu nungguan boh anak boh pamajikan? Teu sadar kitu yen kalakuan saperti kitu teh lain wae ngarugikeun diri sorangan, diri batur banda batur deungeun deungeun jadi kaganggu.
Sababaraha kali nangenan jalma nu modelna garasak gurusuk teu kaop ningali jalan lowong sameter waeh atawa sisi jalan masih aya tanah lowong langsung bae diliwatan dilindes sakarepna. Loba pisan cor-coran keur nutupan riol pamiceunan cai nu ancur lebur dilindes motor atawa mobil. Padahal jalan mobil motor geus disadiakeun leuwih lega. Atawa trotoar nu geus dipasangan paving blok ngadak-ngadak jadi tempat panyaeuran keusik lantaran paving blokna saeutik-saeutik kasered ku ban mobis atawa ban motor. Pikahawatoseun nun ..........
Sanajan sakumaha padetna patalimarga asal para jalmana daek tur ngarti ngantri mah teu silih hakan
Tidak ada komentar:
Posting Komentar