Borokokok

Babaturan kuring urang Surabaya budak ngora keneh ngadon ngomong kieu " aku ingin jadi si borokokok" nya tarik nya harus nyaritana teh, atuh pada digeuhgeuykeun ku nu sejen. Ngomong kituna teh kalepasan cenah lantaran kailhaman tos nongton filem si kabayan. Sadar geus salah ucap eta babaturan nanya ka kuring " kalau artinya borokokok itu apa?" dijawab ku kuring " borokokok itu kaya kabayan orangnya nyeleneh, beda dengan yang lain" " Oh begitu, aku nggak mau ah jadi borokokok, terima kasih" cenah bari ngaleos.

Sabenerna, ucapan borokokok teh sohor ti taun 90'an mangsana Didi Petet ngalalakonkeun jadi Kabayan dina filem. Eta ucapan borokokok teh diucapkeun ku mitohana nu dilakonkeun ku Babah Ho Liang Suryana Fatah. Kaluarna ucapan borokokok teh lantaran ningali kalakuan Kabayan nu pangedulan pisan, gawena huleng jentul taya gadag. Saking keuheulna nya Abah ngucap borokokok, eeeeeeeeeh kateterusan jadina teh ngageroan Kabayan jadi Borokokok.

Protes kuring mah mun Kabayan disebutkeun tipikal urang Sunda, teu tarima lantaran sabenerna mah tokoh Kabayan teh jalma nu rapekan, pinter, jeung perhatian ka sasama.

Geus sore teuing ah ....... balik heula

Wilujeng

Wilujeng ngarupakeun salahsahiji kecap dina basa sunda anu hartina ngahaturkeun panghormatan, pangbagea, atanapi pangdeudeul mangrupi dukungan kana salah sahiji kaayaan dina maksud sabenerna keur ngadungakeun kana kasaean.
Basa Indonesiana mah selamat, Basa Inggrisna congratulation, Mabuhay Basa Tagalogna kade ulah hilap maca u na ditegeskeun sababara harkat ngarah hartina bener, Banzai Basa Jepangna mah, viva vive Basa Romana. Mangsa ayeuna loba pisan nu salah nulis kecap wilujeng teh, jeung nu matak heran leuwih ti heran nu loba salah tulis pernahna di Bandung pisan, puseur basa Sunda. Teu bisa nyalahkeun sasaha lantaran memang kitu kaayaannana. Ngan saukur bisa ngurut dada wae. Salahsahiji bentuk protesna nya ku cara nulis dina blog ieu. Sugan wae aya nu maca jeung mugia aya koreksi supaya jadi balener boh dina cara nulisna, ngalarapkeunnana, atanapi dina ngahartikeunnana.

Bengkung ngariung bongkok ngaronyok

Aya paribasa sunda ; "bengkung ngariung bongkok ngaronyok" anu hartina, nu kainget ku kuring, lamun aya masalah sakuduna dibereskeun ku cara rereongan, gotong royong. Ari sabenerna mah baheula kungsi ngobrolkeun jeung guru basa sunda basa keur smp, jenengannana hilap deui, cenah paribasa ieu teh nyindiran ka urang sunda nu embungeun ngalumbara ka jauhna neangan kahirupan sejen salian ti nu aya di wewengkon sunda. Naon sababna embung ngumbara? Lantaran kaayaan alam ki sunda nu sakitu camperenikna, rea ketan rea keton, gampang neangan pangupa jiwa. Nyaah pisan mun ditinggalkeun teh komo ngumbara ka luar nagara mah loba pikiran lantaran loba nu dipikainget.

Cukang

Cukang teh salah sahiji sarana jalan darat nu bisa ngahubungkeun hiji wilayah jeung wilayah sejenna. Cukang saenyana dijieun keur kaperluan darurat, dipakena sawatara waktu wae lantaran kakuatan bahanna teu pati tahan lila. Bahan keur nyieun cukang biasana diala ti sabudeureun lingkungan.