Yen Ta Pikir Pikir

Pangaresep kana hiji hal bisa jadi matak nambahan panghasilan. Contona mun resep nguseup baris nambahan kadaharan lauk meunang hasil nguseup, mun meunang kitu ge nguseupna, ari teu meunang mah, nyamos wae nu aya. Lain eta wungkul mangpaatna teh, tina ngulik pangaresep nepi ka maherna bisa jadi eta pangaresep  jadi sumber kahirupan. Misalna wae resep ngutak-ngatik mesin loba praktek boh ngaganti oli, ngaganti ban, bongkar pasang mesin. Hiji mangsa lantaran pangalaman nya ngarti naon wae nu diperlukeun keur muka bengkel, ahirna muka bengkel. Duitna timana? Rejeki mah teu lumpat kamana, aya wae, pan dikeureuyeuh ti ayeuna mula meulian bahan toko bengkel konci pas, konci inggris, gantungan ban. Aya maksad yeuh?